PRESENTACION GENERALE

logo ieo31

L'Institut d'Estudis Occitans es una associacion lei de 1901, creada en 1945, reconeguda d'utilitat publica (1949) e aprovada pel Ministèri de la Joventut e de l'Educacion populara (1986). Organisme màger de l'occitanisme contemporanèu, tòca un brave public per sas activitats: edicion, pedagogia, difusion, centre de ressorças.

L'Institut constituís una federacion de seccions departamentalas e regionalas del grand tèrç sud de França ont i cal apondre las valadas occitanas d'Itàlia, lo Val d'Aran en Espanha e París.

L'IEO 31, qu'existís dempuèi 1963, a pas quitat d'èsser un actor màger per la cultura occitana. A subretot obrat per la preséncia de l'occitan dins l'ensenhament public al primari, segondari e a l'Universitat.

Dempuèi 1998, per respondre a aquela demanda a l'encòp lingüistica e culturala, organiza son accion a l'entorn dels axes seguents:

  • Ensenhament de la lenga e de la cultura occitanas per adultes
  • Centre de ressorças (traduccion, conferéncias, enquadrament dels estudiants universitaris, conferéncias, entre-senhas)
  • Difusion e edicion de libres e de produits culturals
  • Difusion artistica
  • Programacion culturala

CONTACT